摘要：有摩托車的廣州 VS 無摩托車的廣州，你會選擇哪個？
2007年，為咗改善交通狀況，“禁摩”似乎系唯一嘅途徑。不知不覺，廣州市區(qū)全面禁摩已經(jīng)超過10個年頭，10年里面，我哋見證住私家車嘅普及，巴士、地鐵嘅不斷發(fā)展。
?
但“禁摩”對于改善交通情況有冇實際幫助？對于市民出行有咩影響？對于市民正常生活有冇積極作用？
?
羊城網(wǎng)采訪咗9位親身經(jīng)歷過“十年禁摩”嘅自己友，用佢哋嘅真實經(jīng)歷，將呢段禁摩歷史再次呈現(xiàn)。
素材來源：羊城網(wǎng)顧問群
編輯：阿爆
?
1
?
嗰時（2007年以前），半個廣州都開摩托車，邊似依家咁，通街都系私家車。我當時讀高中，屋企去學校要行20幾分鐘，但系飛摩嘅話4、5分鐘就到了，兩蚊雞。十年前兩蚊雞可以食到好多嘢嘎，早餐兩蚊就飽到想嘔！
?
我覺得個個高中生都同我一樣，寧愿瞓多20分鐘咯！20分鐘喔，一日可以瞓多20分鐘，人都精神啲啦！
——張小姐 白領 27
2
全面禁摩前幾個月，我就買咗部汽車，寶來06年款。雖然嗰時廣州嘅私家車冇依家咁多，但系塞車都系每日例牌菜。禁摩頭幾日交通狀況確實系改善咗小小，不過過咗幾日，條路上面嘅單車多咗好幾倍，喺車流之間左穿右插……如果唔打醒十二萬分精神開車，分分鐘都出事！
?
不過又難怪嘅，雖然話禁摩有過渡期，但無論過渡期有幾長，只要全面禁摩嗰日一到，對開摩托車嘅人始終都系當頭一棒！你諗下，嗰時廣州市區(qū)大大話話都有十幾廿萬部摩托車，至少都有三成系搭客佬，打爛咗幾多人飯碗？
——葉老板 商店老板 44
?
3
禁摩？10年前我就已經(jīng)舉雙手雙腳贊成啦！嗰時打劫、打人、飛搶（飛車搶劫）…全部違法嘢都系同摩托車有關！一搶完就即刻開走，警察想捉都捉唔到啲賊！
?
好彩我未試過畀人飛搶啫，嗰啲人幾冇陰功啊，搶條頸鏈，開得飛咁快，將個女人拖咗成百米，個女人都斷埋氣啊，你話陰唔陰功！我真系情愿佢攞把刀指住我，我乖乖哋畀曬啲錢佢…
——梁姨 退休工人 61
?
4
禁摩梗系好事啦！不過你話禁摩對交通狀況有冇幫助，我又唔覺得有幫助。
?
啱禁摩嗰段時間，廣州好似返到8、90年代咁，周街都系單車…過一排，就開始有三個碌嗰種摩托車，橫沖直撞，條路冇車我都唔敢開太快…又過一排，就輪到電瓶車了，同摩托車根本冇分別，系開唔快咁解啫！
?
嗰時電臺交通消息，三朝唔到，兩日就有一個開電瓶車嘅畀人撞死！講真啦，你咪怪我講得難聽，畀人撞死嗰啲電瓶車司機，如果佢哋系開摩托車，話唔定擰一擰油，開快小小就唔會畀人撞啦！
——陳生 國企職員 46
?
5
有私家車嘅，停車費貴咗！快遞，嗰時興叫速遞，速遞費又貴咗！就連去大排檔食個宵夜都貴咗！
?
好多人都話唔明，點解禁摩又關大排檔事……啲大排檔生意再好，其實用料都系差唔多份量，基本上一部摩托車就可以車曬。禁咗摩，咪焗住要買部車咯，唔買車，咪次次都搵人車咯…
?
一禁摩，乜都貴曬！牽一發(fā)而動全身，其實好多市民都受影響！
——昌哥 肉檔老板 47
?
6
?
好！（禁摩）梗系好啦，冇咁亂吖嘛。只不過，系唔系可以做得有智慧啲呢？嗰時最受爭議嘅，其實都系好多人嘅“飯碗問題”，人哋做咗咁多年搭客佬，忽然間要佢哋轉行？有咩冇可能啊！
?
唔止搭客佬，維修摩托車嗰啲師傅呢？摩托車市場嗰班老世呢？就連加油站生意都少咗好多啦…后來咪好多人去咗佛山咯，冇計嘎，人哋維修師傅，一世人就系識得整摩托車，冇車畀佢整，人哋老婆仔女都要開飯嘎！
——梁伯 退休工人 62
?
7
其實廣州交通咁便利，有冇摩托車冇咩區(qū)別。廣州該塞車就會塞車，同摩托車都冇咩必然關系。不過好明顯，飛車搶劫真系少咗好多，治安都好咗，絕對系好事！
?
但系城中村里面，例如東圃、棠下，仲不時會見到有摩托車！除此之外，仲有嗰啲橫沖直撞嘅“便民車”、堆到亂七八糟嘅共享單車、從來都唔響喇叭嘅電瓶車…呢啲取代摩托車嘅產(chǎn)物，更加需要監(jiān)管！
——葉生 白領 25
?
8
?
我都做過搭客佬，禁摩之后我就同個老友夾份，買咗部的士，其實都系做返搭客佬，就系從兩個碌變四個碌啫……
?
開心，好開心！點講都好，“鐵包骨”（汽車）點都好過“皮包骨”（摩托車），都安全好多吖！而且禁摩，的士生意又好咗，搵都搵得多啲！
?
但系講返轉頭，我部摩托車冇報廢，一直都喺儲物室，話曬我都系靠嗰部爛鬼摩托車養(yǎng)起頭家，供仔女讀書。冇嗰部摩托車，我乜都冇啊。
——陳生 的士司機 53
?
9
九幾年嗰時咪有出《烈火戰(zhàn)車》嘅，劉德華做主角，一紅就紅咗10年！嗰時好多女仔都鐘意男仔有部“烈火戰(zhàn)車”（就是摩托車）嘎！如果車技好就更加受歡迎！
……
嗰時好多人出街“片車”（飆車）嘎，我都去過幾次，不過依家諗返，真系年少氣盛，腦筍都未生埋，好危險，仲會畀警察捉添。
?
禁摩好，非常好??！少咗好多危險嘢：飛搶少咗啦、開部摩托車周圍走嗰啲唔讀書死飛仔又少咗啦！
——張生 個體工商戶 44
?
禁摩十年，
有人話治安好咗，
有人話交通衰咗。
?
有人話禁摩唔好，
都有人話禁摩系好事。
?
各位自己友
有摩托車嘅廣州 VS?冇摩托車嘅廣州
你覺得邊個廣州更加舒服？
?
?
評論